Dămu cali la Concursulu Internaţionalu di Anyrâpseri pi Armâneaşti!

“Mi aprochiu di firidhâ
ş-vedu naforâ
cumu treaţi fârâ vreavâ
ca tru suflitlu a meu
unâ cârvâni di Armâńi
ţi-aducu la murminţâ
muşata limbâ a loru!” *

Noi avemu nâdia câ tu cathi zboru şi anyrâpseari armâneascâ s-ducheaşti unâ frâmturâ di suflitu armânescu ţi nu va n-alasâ s-u duţemu muşata a noastâ limbâ la murminţâ. Aşi cara, nâ bâgămu pistea şi vrearea ţi u avemu ti aduţearea deadunu a tutâloru Armâniloru, fârâ alidzeari dupâ minduiari şi ideoloyie, tu aestu concursu iu vâ grimu tuţ:
 
Text Construct,  di-adunu cu Proiectulu Avdhela, Biblioteca di Culturâ Armâneascâ, agiutati di Editura Casa Napoca, Fimirida (Ziarul) Făclia şi di SC Digital Style Srl, vâ câlisescu la
 

“Text Construct”, concursu di poezie şi prozâ armâneascâ

Concursulu “Text Constuct” va s-dizvârteascâ tu mediulu on-line, pi site-lu a www.cnppsf.ro . Di cara loclu alu Text Construct easti Cluj-Napoca, ligâturili şi parteneriatili (suţatili) va si-adarâ tu muşatlu câsâbă di Transilvanie. Ma multu, ti cathi momentu a dizvârtearil’ei aiştui concursulu ari câti unâ frânḑâ ahoryea pi aestu site. Cama şcurtu, dupâ faza di arâspândeari a hâbaril’ei va s-da cali la pitriţearea a anyrâpseriloru (scrieriloru) tu 15-li di Alunaru.
 
Faza di pitriţeari a anyrâpseriloru va s-ţânâ doi meşi, pânâ tu 15-li di Yizmâciunu. Dupâ numirlu di anyrâpseri (scrieri) pitricuti tu aestu chiro, va s-hibâ arâdhâpsearea a loru di unu juriu. Tu juriulu a nostu ţi va s-andreagâ di anyrâpserili pi armâneaşti va s-hibâ poetulu Yioryi Vrana.
Pistipsimu câ va s-ţânâ nai ma puţânu unu mesu-ş-giumitati, vahi ma multu (cara s-hibâ pitricuti multi anyrâpseri). Avemu nâdia câ nai ma amânatu tu 1-lu di Andreu va s-bitiseascâ faza di arâdhâpseari a anyrâpseriloru ţi va si-amintâ.
 
Cluj-Napoca va si-adarâ unâ conferinţâ di presâ icâ unâ expoziţie di caduri/zuyrâpseri ti-nsimnarea a bitisearil’ei aiştui concursu ş-ti dhurusearea a amintâtoriloru.
 
Vremu c-aestu concursu si-aproachi unâ anuitati constantâ, ma aestu lucru angreacâ multu ş-di numirlu di anyârpseri aprucheati di noi ş-di cumu va s-veadâ laolu Concursulu a nostru.
 
Nomuri tr-unâ minutâ
Ta s-puteţ s-loaţ parti la Concursu, voru aprâftuseari ndoauâ dimândări:
– si-aveţ ilichia ntrâ 16 şi 40 di-ańi.
– s-nu aveţ tipusitâ ma multu di doauâ anyrâpseri di prozâ i poezie.
Nai ma multu doauâ anyrâpseri potu s-hibâ pitricuti di cathi unu insu.
Proza şcurtâ lipseaşti s-nu astal’i 8 frândzâ di word, cu urnimiili: font Times New Roman 12, spaţu (arostu) di 1,15 anamisa di arădz, mărdzińili a frândzâl’ei di 1 inch.
Poezia lipseaşti s-nu astal’i doauâ frândzâ di word, ufilisindalui urnimiili di ma-ndzeanâ.
 
 
Nai ma muşatili anyrâpseri va li bâgămu ş-noi, aoa pi Dhyeata.
Va vâ ţânemu ligaţ di dizvârtearea a proiectului, pânâ atumţea, pitriţeţ-nâ anyrâpserili a voastri! Niaducherili, antribărili icâ alti problemi ligati di concursulu pi armâneaşti va li zburâmu di-adunu pi-tu info di la Contact (dhyeata@gmail.com) icâ aoa, pi blogu.
 
* frâmturâ di-tu poezia “Cându da ploai cu soari” di-tu tomlu “Alchimia a Dipiraril’ei”, di  Spiru Fuchi, Ed. Calc, Tirana, 2006
Advertisements

4 responses to “Dămu cali la Concursulu Internaţionalu di Anyrâpseri pi Armâneaşti!

  1. Luca Alecsandru

    Nu inji pari un lucru bunu , ta/s concureadza mashi pana la ilichia di 4o di anji!

  2. Costin Stere

    Vreamu sâ shtiu desi cărtsâli suntu armâneshtsâ i nu. Haristo!

  3. Costin Stere

    Bunâ dzuua. Amu unâ antribari andicra di concursu. Tsi intrâ tu Carte Predania?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s