Zboarâ pi-unu hiru di lânâ (a)

Tamam nâ dzâsi soarili…
Tamam nâ dzâsi luna…
Tamam tu eta-alantâ
Va vâ s-aflaţ câruna!…
Tu a banâl’ei hâryie,
Cându adurńiti, suflitili adastâ,
S-yinâ a pâpâńiloru oi s-li pascâ.
Tu iarba di asimi,
A voastrâ vreari-i aroauâ,
Ţi ‘gonea si tucheaşti,
Ş-mâni cadi noauâ.
 
 
***
 
 
 
Isturia tutâ nâ easti, ma sâ s-adunâ,
Stogu di boţ ancl’isi pi-unâ arpâ di pirpirunâ.
Boţ di cânticu, boţ di jali,
Chipuru dulţi di noatińi şi ńeali,
Focu hiertu tu guşi di armatolu,
Zghicu di munti sterpu, munti golu.
 
Ş-tu-murghişu, cându etili s-bagâ s-doarmâ,
Alâsânda s-lâ cadâ di-tu mâńi fuslu tu arinâ,
Bana şcurtâ, bana aţea di pirpirunâ,
S-dirinâ.
 
 
***
 
 
 (Ti Yioryi Vrana)
 
Alinâ-ti tu aestâ caroţâ di bâcarâ
Agârşea-ţ oasili şi sândzili.
Alas-lu vimtulu araţi,
Ş-ţâ treacâ bul’eauâ di heru pisti faţâ.
Alasâ-li chindimatili di teli,
S-ti anvâleascâ tu tâcâmi di preftu.
Nu aguńisea cal’i di tiniché,
Ta si-ai chiro s-ti purinţâ,
Cu tuti ţi ţâ li da bana:
Cânticu, caimo, trunduiari.
Alag-u, alag-u şi agiunu, alag-u pali.
 
Tuşi iu va ti-alasâ ea s-dipuńi, dipuni.
Aclo easti sinurlu di-tu soni,
Iu yiliili nu toarnâ canâ apandisi,
Iu vetea ti-aşteaptâ tu aripidhinâ.
 
Tu sinuru ţâ easti casa, poete!
 
 
Georgiana Caratanascu Vlahbei©
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s