Tag Archives: literatura armaneasca

Pârâstâseari „Vlahomania” di Spiru Fuchi, gioi 31-li di Sumedru

Cu mari harauâ vâ dămu di hâbari câ mâni- gioi, 31-li di Sumedru, sihatea 18.00 pârâstâsimu Bucureşti tomlu di poezii armâneşţâ di-tu soni alâncitu a poetlui Spiru Fuchi – Vlahomania, la Muzeulu a Literaturil’ei Români (geadeea Dacia, numirlu 12 -aproapea di Piața Romană).

AFIS LANSARE VLAHOMANIA

Vâ grimu s-ul cunuşteţ (cara s-nu lu-aveţ adghivâsitâ pânâ tora) icâ s-ul xana-aflaţ poetlu ţi easti di protâ thesi ti literatura Armâńiloru, Spiru Fuchi, pi-tu aestu tomu ţi easti, ași cumu u duchimu noi, yilia a lumil’ei armâneascâ di azâ, cu duhlu, polimlu şi mira a l’ei.

Azburaşti ti carti: Yioryi Vrana.

Lâ ifhâristisimu a doiloru ti tińia ţi nâ u feaţirâ.
Cu nâdia câ va vâ avemu tuţ aclo, cu tutu chirolu şcurtu ţi ştimu câ easti,

Pareea a Proiectului Avdhela, Biblioteca di Culturâ Armâneascâ 

P.S. Di-ghiosu aveţ doauâ operi alu Spiru ţi li avemu ş-noi tu biblioteca virtualâ:
Soari disicatu (1997)  http://www.proiectavdhela.ro/pdf/spiru_fuchi_soari_disicat.pdf
Cântiţi barbari (2004)  http://www.proiectavdhela.ro/pdf/spiru_fuchi_cantiti_barbari.pdf

 

Advertisements