Cu mari harauâ vâ dămu di hâbari câ mâni- gioi, 31-li di Sumedru, sihatea 18.00 pârâstâsimu Bucureşti tomlu di poezii armâneşţâ di-tu soni alâncitu a poetlui Spiru Fuchi – Vlahomania, la Muzeulu a Literaturil’ei Români (geadeea Dacia, numirlu 12 -aproapea di Piața Romană).
Vâ grimu s-ul cunuşteţ (cara s-nu lu-aveţ adghivâsitâ pânâ tora) icâ s-ul xana-aflaţ poetlu ţi easti di protâ thesi ti literatura Armâńiloru, Spiru Fuchi, pi-tu aestu tomu ţi easti, ași cumu u duchimu noi, yilia a lumil’ei armâneascâ di azâ, cu duhlu, polimlu şi mira a l’ei.
Azburaşti ti carti: Yioryi Vrana.
Lâ ifhâristisimu a doiloru ti tińia ţi nâ u feaţirâ.
Cu nâdia câ va vâ avemu tuţ aclo, cu tutu chirolu şcurtu ţi ştimu câ easti,
Soari disicatu (1997) http://www.proiectavdhela.ro/pdf/spiru_fuchi_soari_disicat.pdf
Cântiţi barbari (2004) http://www.proiectavdhela.ro/pdf/spiru_fuchi_cantiti_barbari.pdf